ნაშრომი წარმოადგენს სსიპ ქ. დედოფლისწყაროს N1 საჯარო სკოლაში განხორციელებული პედაგოგიური პრაქტიკის კვლევის ანგარიშს.
2017-2018 სასწავლო წელს სსიპ ქ. დედოფლისწყაროს N1 საჯარო სკოლაში განვახორციელე პედაგოგიური პრაქტიკის კვლევა თემაზე „მოსწავლეთა დაინტერესება და მოტივაციის ამაღლება ხელოვნების საგნის მიმართ“. კვლევა მიზნად ისახავდა: ხელოვნების საგნის ,,პოპულარიზაციას’’, გაკვეთილზე იმ მეთოდების დანერგვას და აქტივობების განხორციელებას, რომლებიც გაზრდიდა დაბალი მოტივაციის მქონე მოსწავლეთა დაინტერესებას ხელოვნების საგნითა და სასწავლო პროცესით, მათ შემობრუნებას წიგნებისკენ, მაქსიმალურ ჩართვას საგაკვეთილო და არასაგაკვეთილო პროცესებში, მოსწავლეთა ინდივიდუალური შესაძლებლობებისა და ინტერესების შესწავლას, თანამშრომლობას მოსწავლეებთან, მასწავლებლებთან, მშობლებთან და სწავლა - სწავლების პროცესის გაუმჯობესებას.
მნიშვნელოვანია მოსწავლეებმა იცოდნენ საგნის სწავლების საჭიროება, რომ თანამედროვე ადამიანი მხოლოდ ერუდირებული კი არ უნდა იყოს, არამედ ცხოვრების ნებისმიერ ეტაპზე შეეძლოს, პრობლემის გადასაჭრელად შემოქმედებითად, კრეატიულად გამოიყენოს არსებული ცოდნა.
No comments:
Post a Comment